بسم الله الرحمن الرحيم 

الحياة شيء جميل بس لو نعرف كيف نستغلها بأمور تنفعنا بديننا و دنيانا اليوم تتضايق بكره ينفرج همك لان من عرف ربه بالرخاء بيعرفه بالشده نحاول قدر المستطاع أن نؤدي واجباتنا ألدينيه بأكمل وجه و مانتهاون بالدين ابداً صحيح أن الله غفوراً رحيم بس برضو ربي شديد العقاب اهتم بصلاتك قد ماتقدر لان هي عصم هذه الحياة و اسأل مجرب و شوف الفرق , انا ترى ماكنت محافظه على صلاتي و كنت جداً متهاونة فيها والله كنت دايم متضايقة ومهمومة وكنت ما اتفق مع احد ابداً ودايم متوترة حتى علاقتي بأمي ما كانت كويسه بس جتني فتره كذا جالسه اكلم نفسي وأقول إلى متى وإنا بهالأهمال ودايم متهاونة قررت اني أحافظ على صلاتي بس صلاتي والله إن حياتي تغيرت كثير و صار بالي دايم مرتاح و علاقتي بأمي الحمد لله أتحسنت وشفت التوفيق بحياتي و حسيت إن أموري صارت بتيسير من الرحمن وكل هذا بفضل هداية الله لي ثم ألمحافظه على صلاتي وبر الوالدين والله تتوفق بحياتك وتحس بالفرق لان حنا مو مخلوقين عشان نشتري ونسافر ونتمشى ونضحك ونسولف ونرقص ونغني طيب وبعدين اخرت كل هذا بتحس انه فيه شي ناقص مهما بلغت قمم السعادة وتوفر لك كل شي بتحس بالنقص لأنك مو قريب من الله ومثل مآربي عطاك يقدر بلحظه يأخذ منك كل هذا لان ربي يمهل ولا يهمل , الواحد لازم يوازن أموره إنا ما أقول خلاص التزموا واتركوا حياتكم كلها دين في دين لا بس وازن مابين كل شي بحياتك مابين دينك والديك و اهلك و أصحابك و ذاتك و صدقني بتشوف الفرق و كلنا نخطي و خير الخطائين التوابون و مافيه إنسان معصوم عن الخطأ حتى المشايخ و أهل العلم تشوفهم تقول ياليتني مثلهم متدين و كذا بس أكيد هم اخطئوا سابقن و لكنهم بادرو بالتوبة و الانسان لا يعلم متى يموت عشان كذا بادر/ي بالتوبة عشان الحياة دار فناء و الأخره دار خلد اما تكون خالد مخلد بالجنة أو تكون خالد مخلد بالنار و الدين يسر و ليسَ عسر و كل شيء واضح بالدين و القران والأحاديث والعلماء كلها كافيه للأجابه عن أي سؤال بداخلنا بس حنا مانتبع ديننا أو عقلنا حنا نتبع شهوات الدنيا و ملاذها و تذكر هذه العبارة }شهوة ساعة و حسره إلى يوم القيامة{ , و بالختام حبيت أقول لك/ي اخي/اختي هذه الجمل والنصائح نابعة من قلب صادق و مشاعر صادقة تتمنى لك/ي الهدايه و معرفة عظمة الصلاة و عظمة القرب إلى الله ثم بر الوالدين و اتمنى اكون ما كنت ثقيله عليكم وبالأخير أقول قوله تعالى ((انك لا تهدي من أحببت و لكن الله يهدي من يشاء)) 

أختكم / أثير محمد